Arti Paribasa - babasan - Peribahasa Idiom Pakeman Basa Sunda

Cari dan download daftar Babasan dan Paribasa dalam budaya Sunda.

idiom

Idiom (dari bahasa Belanda: idioom; bahasa Latin: idioma, "properti khusus"; bahasa Yunani: ?d??µa - "ungkapan khusus") adalah ekspresi, kata, atau frasa dengan makna kiasan yang dipahami dalam kaitannya dengan penggunaan umum bahwa ekspresi yang terpisah dari arti harfiah atau definisi dari kata-kata yang dibuat.

peribahasa

Peribahasa adalah kelompok kata yang mempunyai susunan yang tetap dan mengandung pengertian tertentu, bidal, pepatah. Sebuah pepatah yang menjelaskan aturan dasar perilaku mungkin juga dikenal sebagai sebuah pepatah. Jika peribahasa dibedakan dengan ungkapan yang sangat baik, mungkin akan dikenal sebagai sebuah aforisme (Majas berisi pernyataan tentang kebenaran atau sikap hidup).

mangga pilari - silahkan cari

1. abong kena biwir teu diwengku
   ngomong sangeunahna, ngomong sadaekna
   berbicara seenaknya sendiri.

2. abong letah teu tulangan
   nyarita sangeunahna teu dipikirkeun heula akibatna
   berbicara seenaknya tanpa memikirkan akibatnya.

3. adab lanyap
   jiga nu handap asor, daek ngahormat ka batur, tapi boga hate luhur, tungtungna sok ngunghak jeung kurang ajar, temahna batur loba nu teu resepeun.

4. adam lali tapel
   poho ka baraya jeung poho ka lemah cai
   tidak ingat kepada saudara, lupa kepada tanah air.

5. adat kakurung ku iga
   adat atawa kabiasaan anu hese dirobahna
   adat atau tabiat seseorang yang sukar untuk dirubah.

6. adean ku kuda beureum
   ginding ku barang batur atawa titipan atawa ginding ku pakean batur
   menyombongkan barang pinjaman atau barang orang lain

7. adigung adiguna
   gede hulu, takabur, boga rasa leuwih ti batur
   sombong

8. adu regeng
   sataker tanaga
   sedikit tenaga atau kurang tenaga.

9. adu telu ampar tiga
   kudu papaitan
   perkara yang sedang diselesaikan.

10. agul ku payung butut
    ngagulkeun luluhur sorangan,tumerep ka jalma nu taya kaboga, tapi mindeng nyaritakeun yen manehna turunan menak baheula
    membanggakan keturunannya sendiri.

11. ajak jawa
    ngajak bari ukur tamba lain ngajak senyana dapon ngeunaheun batur
    mengajak atau menawarkan sesuatu dengan tidak sepenuh hati atau tidak ikhlas.

12. ajrihing gawe
    ulah ngalampahkeun gawe goreng bisi ahirna kabendon
    pemalas atau orang yang tidak mau bekerja.

13. akal koja
    pinter dina kagorengan atawa kajahatan
    akalnya pintar dalam kejahatan

14. aki aki tujuh mulud
    lalaki nu geus kolot pisan
    laki-laki tua renta.

15. aku panggung
    darehdeh jeung mere maweh, ngan hanjakal ku ieu aing asa pangpunjulna, pangbeungharna jste.

16. aku-aku angga
    ngaku banda sorangan padahal nu diakuna banda batur, atawa ngaku baraya batur anu beunghar atawa jeneng, mamrih kahormatan atawa kauntungan
    mengaku barang milik sendiri padahal barang milik orang lain

17. alak paul
    jauh kacida, tempat anu lain dikieuna, ngeunaan jauhna jeung pisusaheunana
    jauh sekali.

18. alak-alak cumampaka
    niru-niru atawa mapadani saluhureun boh dina kalungguhan, kakayaan atawa pendidikanana
    selalu meniru-niru orang yang lebih darinya baik kekayaan atau pendidikan

19. alang-alang kumapalang
    pagawean kudu dianggeuskeun ulah dikagok-kagok
    suatu pekerjaan itu harus diselesaikan tepat pada waktunya jangan ditunda-tunda.

20. alon-alon asal kalakon
    kajeun alon dina sagala hal asal nguntungakeun ahirna

21. alus laur hade ome
    tegep dedeg pangadegna.

22. alus panggung
    hade dedeg pangadegna
    tampan dan rupawan.

23. amarah sakulit bawang
    babari ambek
    suka marah-marah atau mudah marah.

24. ambek nyedek tanaga midek
    ambek teu kaluar, ari napsu pohara gedena, ngan masih bisa meper diri, napsu kapegung
    amara yang terpendam.

25. ambek sadu santa budi
    ambek tara terus jeung hate, budina tetep marahmay
    sangat berbudi pekerti.

26. ambekna sakulit bawang
    gampang pisan ambek, jeung mun geus ambek teu reureuh sakeudeung.

27. amis budi
    hade paroman, suranyeh, mindeng imut
    sangat ramah, santun dan murah senyum.

28. amis daging
    babari pisan katerap kasakit
    mudah terkena penyakit kulit dan sangat sulit untuk disembuhkan.

29. anak merak kekuncungan
    kahadean atawa kagorengan anak ngala ka indung bapana
    segala perbuatan buruk anak maka orang tuanya juga terkena imbasnya.

30. anak puputon
    anak nu kacida didama-damana, nu pohara dipikanyaah
    anak yang sangat disayang

31. angeun sapariuk karagragan tai beurit hiji
    kagorengan lantaran ti saurang, tungtungna jadi mawa goreng ka sarerea
    kejelekan dari satu orang akibatnya seluruh keluarga ikut dipandang jelek pula.

32. anjing ngagogogan kalong
    mikahayang hiji hal nu pamohalan
    menginginkan sesuatu yang tidak mungkin

33. anjing nyampeurkeun paneunggeul
    nyameurkeun nu rek nganyenyeri atawa nu rek ngarogahala
    mendekati bahaya

34. anu burung diangklungan, anu gelo didogdogan, anu edan dikendangan
    anu gedebul dihaminan, ngarah tambah maceuh
    anu loba omong bari eung bohong kalah ka ditanggap

35. apal cangkem
    apal tapi teu nyaho hartina
    hanya hafal dalam mulut saja namun tidak tahu artinya.

36. ari diarah supana, kudu dijaga catangna
    banda atawa naon wae nu diala hasilna, kudu daek ngurusna
    jika memiliki barang yang memberi kita asil, harus pandai mengurusnya.

37. ari umur tunggang gunung angen-angen pecat sawed
    ari umur geus kolot, kahayang caran nu ngora, hate ngongoraeun keneh
    umur sudah tua tapi keinginan atau perilaku seperti anak muda, tua-tua keladi

38. asa aing uyah kidul
    boga rasa leuwih ti batur
    merasa paling unggul segalanya dibandingkan orang lain

39. asa bucat bisul
    ngarasa lugina sanggeus ngarengsekeun pagawean nu kacida beurat
    merasa lega setelah mengerjakan pekerjaan yang amat berat.

40. asa dijual payu
    ngungun dumeh nyorangan di panyabaan, jauh ti indung bapa.

41. asa ditonjok congot
    meunang kabungah nu gede, meunang rejeki nu teu disangka-sangka
    gembira mendapatkan rizki yang tidak disangka-sangka.

42. asa ditumbu umur
    boga rasa kahutangan budi anu pohara gedena
    sangat merasa berhutang budi

43. asa kabur pangacian
    reuwas kacida, nepi ka teu puguh cabak
    terkejut hingga tidak dapat berkata-kata.

44. asa nanggeuy endog beubeureumna
    kacida nyaahna
    sangat menyayangi

45. asa potong leungeun katuhu
    leungiteun jalma nu kacida dipikabutuhna
    kehilangan orang yang sangat dipercaya.

46. asa rawing daun ceuli
    mindeng ngadenge omongan anu henteu ngeunah
    sudah biasa mendapatkan omongan yang tidak enak didengar.

47. asa teu beungeutan
    awahing ku era
    serasa kehilangan muka karena malu

48. asak pikir
    pikir heula enye-enya
    dipikirkan lagi matang-matang.

49. asak rampa
    memeh prak dipigawe dipikir heula jero-jero
    sebelum melakukan pekerjaan baiknya dipikir dulu matang-matang.

50. asak warah
    hade atikan, basa jeung paripolahna merenah
    mendapatkan cukup pendidikan.

51. atah anjang
    langka silih anjangan

52. atah warah/bongkar warah
    kurang didikan

53. ati mungkir beungeut nyinghareup
    palsu, siga sono, tapi henteu. siga suka, tapi henteu, siga nyaah tapi henteu
    pura-pura. dihadapan orang bersikap baik, tetapi di belakang sebaliknya

54. ati putih badan bodas
    tamada nuduhkeun teu aya pikir goreng, memasrahkan diri dari menerima kesalahan
    menunjukkan ati yang bersi, mengakui kesalahan

55. aub payung, sabet panon
    sabasoba wewengkon, ngeunaan tanah.

56. awak sampayan
    make baju naun ge pantes

57. awet rajet
    dilarapkeun ka nu laki rabi, lana tapi loba pacengkadanana
    rumah tangga yang awet meskipun selalu dapat perselisihan.

58. aya astana sajeungkal
    anu mustahil oge oge bisa kajadian.

59. aya bagja teu daulat
    arek meunang bagja atawa kauntungan tapi teu tulus
    mau dapat untung tetapi tidak jadi.

60. aya disihung maung
    kulantaran loba kawawuh gegeden dina aya karerepet atawa kaperluan penting gampang naker meunang pitulungna.

61. aya hate kadua leutik
    naksir.

62. aya jalan komo meuntas
    aya cukang lantaran, aya pilantaraneun atawa pijalaneun, manggihan jalan atawa cara pikeun gancang-gancang ngalaksanakeun pamaksudan
    kebetulan ada jalan untuk cepat-cepat melaksanakan keinginan.

63. aya nu dianjing cai
    aya nu dipikahayang atawa diheroan
    ada yang diincar target.

64. aya peurah aya komara
    aya harega, aya pangaji.

65. ayakan mah tara meunang kancra
    usaha nu modalna leutik hasilna ge moal gede, nu bodo jeung nu pinter moal sarua darajatna jeung panghasilanana
    usaha yang modalnya keci hasilnyapun tak akan besar

66. ayak-ayak beas, nu badag moncor nu lembut nyangsang
    nuduhkeun kaayaan nu henteu sawajarna, upama bae anu dihukum teh anu teu pira kasalahannana ari anu gede kasalahannana mah bebas
    menceritakan keadaan yang tidak sejawarnya, yang salah sedikit dihukum yang salahnya besar tidak dihukum

67. ayem tentrem
    tenang teu aya kasieun
    tenang, tentram, tak ada yang dikawatirkan

68. babalik pikir
    insap

69. badak cihea
    degig

70. baek dengkak
    baek akal, geus euweuh akal deui, paeh poso, teter
    sudah bekerja keras namun tidak mendapatkan apa-apa.

71. bahe carek
    gampang nyarekan ka batur, babari pisan ngaluarkeun omongan nu goreng.

72. bahula ka nu kawasa
    tara nurut parentah, mungpang kana parentah
    melawan perintah

73. bala harti
    salah harti, beda kamandang
    salah pengertian.

74. balabar kawat
    beja nu sumebar, saembara
    sayembara.

75. baleg tampele
    ari rasa tresna ka lalaki geus aya, ngan lamun papanggih jeung jelemana gede keneh kaera.

76. bali geusan ngajadi
    tempat dilahirkeun, lembur matuh, lemah cai
    tempat kelahiran/tanah kelahiran.

77. balik pepeh
    nu gering teu daek icing

78. balung kulit kotok meuting
    kanyenyerian atawa kanyeri heubeul teu leungit-leungit, teu eureun eureun nyeri hate ti baheula nepi ka kiwari
    masih ada rasa dendam, sakit hati yang dulu tidak hilang

79. balungbang timur
    nuduhkeun hate beresih

80. balungbang timur, caang bulan opat belas, jalan gede sasapuan
    beak karep ku rido jeung beresih hate
    ikhlas, sangat suka

81. bancang pakewuh
    pikasusaheun, picilakaeun
    marabahaya, malapetaka

82. banda sasampiran nyawa gagaduhan
    teu daya teu upaya sadaya kagungan jeung kersaning Alloh, nyawa jeung banda ukur titipan
    segala sesuatu di dunia ini hanyalah milik Alloh, nyawa, harta dan benda hanyalah titipan.

83. banda tatalang raga
    leuwih hade ngorbankeun harta, tibatan cilaka awak
    lebih baik mengeluarkan biaya atau harta dari pada celaka.

84. banting tulang
    digawe popohan
    susah payah.

85. baraya landes ge moal dibejaan
    orang yang bertekad untuk menyimpan rahasia.

86. baro mengmengan
    taya kasabaran

87. batok bulu eusi madu
    goreng rupana atawa tagogna, tapi pinter atawa hade kalakuannana
    orang yang jelek tapi pintar atau kelakukannya baik

88. batu turun keusik naek
    dilarapkeun ka jalma anu sarua sukana, turunan menak henteu jeneng, ari somah cacah jareneng
    keturunan bangsawan yang tidak mempunyai jabatan yang tinggi.

89. baungeut nyanghareup ati mungkir
    teu satuhu, henteu terus jeung hate
    munafik.

90. beak dengkak
    sagala ikhtiar geus diusahakeun tapi teu hasil bae

91. bear budi
    marahmay budi, someah
    ramah tamah, sopan.

92. bebek ngoyor di sagara, rek nginum neangan cai
    lubak-libuk harta banda, tapi teu bisa make lantaran lain hakna
    segala sesuatu tersedia tapi tidak bisa menggunakannya karena bukan miliknya

93. beja mah beje
    beja ulah waka dipercaya

94. belang bayah gindi pikir
    boga pikiran goreng ka papada kawula.

95. bengkok tikoro
    teu kabagean kadaharan istimewa lantaran beakeun manten atawa teu datang
    tidak dapat hidangan istimewa karena tidak datang tepat waktu.

96. bengkung ngariung bongkok ngaronyok
    babarengan jeung babaturan boh dina susah atawa senang
    bersama-sama dengan sahabat baik suka maupun duka, biar hidup susah asal selalu bersama-sama

97. bentik curuk balas nunjuk, capetang balas miwarang
    kabisa ngan marentah, nitah wungkul, tara prak digawe ku sorangan
    hanya bisa memerintah atau mengatur saja, tanpa mengerjakannya sendiri

98. beunghar memeh boga
    loba kahayang nu teu saimbang jeung kaayaan dirina
    banyak keinginan yang tidak sesuai dengan dirinya

99. beurat birit
    hese dititah, ngedul
    malas.

100. beurat nyuhun beurat nanggung, beurat narimakeunana
     kacida tumarima kana kahadean batur, lantaran ditulungan dina waktu nu keur butuh kacida
     sangat berterimakasih atas kebaikan orang lain

101. beureum paneureuy
     seuseut batan neureuy keueus hese pisan, seuseut seuat ngahasilkeun maksud.

102. beuteung anjingeun
     beuteung gede kaharep

103. bibilintik ti leuleutik babanda ti bubudak, geus gede ngan kari make,
     kudu gemi jeung daek babanda ti leuleutik ngarah dimana geus kolot teu loba kakurang.

104. bihari ngalingling pasir, ayeuna ngalanglang pasar
     jaman geus robah, jalma oge loba nu ganti pacabakan, atawa robah-robah tingkah lakuna

105. bilih aya turus bengkung
     bisi salah pokpokanana.

106. birit aseupan
     teu daek cicing

107. bisa ka bula ka bale
     bisa cmapur jeung jalma ti rupa-rupa golongan, atawa bisa gawe kasar jeung gawe lemes
     bisa bergaul dengan saiapa saja dan bekerja apa saja, menyesuaikan diri di lingkungan atau masyarakat.

108. bisa lolondokan
     bisa mengikuti atau menempatkan diri dengan kebiasaan orang lain supaya akrab

109. bisi aya ti cai ti geusan mandi
     bisi aya nu katoel atawa kasigeung mamaras rasana
     khawatir akan ada yang menyinggung diri sendiri.

110. biwir nyiru rombengeun
     resep mukakeun rasiah sorangan atawa rasiah batur, resep ngucah ngaceh rasiah atawa kaaeban boh nu sorangan boh nu batur
     cerewet, semua rahasia diceritakan

111. biwir sambung lemek, suku sambung lengkah
     ngan darma neruskeun, tarima darma dititah, henteu milu milu kana tanggung jawabna mah, ieu mah ngan saukur mangnepikeun dumeh jadi utusan, ngemban timbalan tinu lian.

112. bluk nyuuh blak nangkarak
     kabina bina rajinna dina enggoning nyiar kipayah.

113. bobo sapanon carang sapakan
     teu beres entep seureuhna, teu puguh undak usukna, aya kuciwana, lantaran aya kakuranganana atawa karuksakanana
     tidak jelas asal usulnya.

114. bobor karahayuan
     henteu rahayu, henteu salamet, meunang kacilakaan atawa tiwas
     mendapat celaka atau musibah

115. bobot pangayom timbang taraju
     nimbang-nimbang perkara anu saadil-adilna
     menimbang perkara dengan seadil-adilnya.

116. bodo alah manan kebo
     dilarapkeun ka jalma anu bodona leuwih ti munding
     bodoh sebanding kebo

117. bodo alewoh
     bodo tapi daek tatanya atawa tetelepek
     bodoh tapi mau atau suka bertanya

118. bodo katololoyoh
     teu daek nurut kana nasehat batur, tara daek tatanya
     orang bodoh yang tidak menuruti nasihat orang lain, enggan bertanya.

119. boga pikir kadua leutik
     ulah sabongbrong teuing, kudu aya pikir rangkepan, kudu aya rasa curiga
     kita jangan mudah percaya, harus ada rasa curiga.

120. bogoh nogencang
     bogoh sosoranganana, teu dilayanan
     cinta betepuk sebelah tangan.

121. bonteng ngalawan kadu
     nu lemah ngalawan nu kuat
     yang lemah melawan yang kuat

122. buang jauh gantung tinggi
     nekad, wani nepi ka dihukum oge.

123. bubu ngawaregan cocok
     mere nasehat atawa nyieun aturan anu balukarna nguntungkeun sorangan
     memberikan nasehat atau aturan yang menguntungkan diri sendiri

124. buburuh nyatu diupah beas
     nyiar pangarti tur diburuhan atawa digajih, meunang dua kauntungan sakaligus, saperti nu sakola meunang beasiswa
     belajar tetapi sambil diberi upah padahal gunanya untuk dirinya sendiri

125. budi anteng
     teu gugup, kalem
     tidak gugup atau santai, kalem.

126. budi santri, legeg lebe, ari lampah euwah-euwah
     ari laku lampah mah kawas santri tapi sok ceceremed.

127. bujang jenglengan
     jajaka tulen serta tegep
     pria yang belum menikah dan usianya sudah tua.

128. bulu kapaut
     kababawa ku batur

129. bulu taneuh
     patani, tukang tani
     petani.

130. buluan belut, jangjangan oray
     pamohalan kajadian
     sesuatu yang tidak mungkin terjadi.

131. bungbulang tunda / tunda talatah
     lamun dititah tara sok pek ku maneh, tapi sok nitah deui ka batur.

132. buntut kasiran
     tara pisan daek barangbere, medit, koret, kumed
     orang yang pelit

133. bur beureum bur hideung, hurung nagtung siang leumpang
     ginding, loba pakean anu aralus dipake.

134. buruk buruk papan jati
     ka sobat atawa ka baraya mah sok hayang ngahampura bae lamun aya kasalahan teh
     biarpun benci kepada saudara tapi selalau ingin menolong bila ia dalam kesusahan

135. caang bulan dadamaran
     migawe hal anu kurang mangpaat
     mengerjakan hal yang sudah tidak diperlukan lagi

136. cacag nangkaeun
     hanteu beres, hanteu rata, henteu sampurna.

137. cai di hilir mah kumaha ti girangna
     rahayat sok nyonto kalakuan pamimpinna
     rakyat suka meniru kelakukan pemimpinnya

138. caina herang laukna beunang
     hasil maksud ku cara lantip bari taya pacengkadan
     mendapatkan keinginan yang tidak melukai orang lain atau tidak ada perselisihan yang ditimbulkan.

139. campaka jadi di reuma
     nu geulis urang lembur, lain pantesna aya di dinya
     gadis cantik tidak pantas hidup di tempat kumuh

140. cangkir emas eusi delan
     omonganana mah alus nepi ka urang jadi percaya jeung kataji, tapi hatena jahat jeung matak bahaya ka urang.

141. cara bueuk meunang mabuk
     ngeluk bae, teu lemek teu carek, euweuh hojah, euweuh karep, euweuh kahayang sabab era tawa sieun.

142. cara cai dina daun balong
     dinasehati tidak pernah ada bekasnya, tidak dituruti.

143. cara gaang katincak
     anu tadina rame kacida, ayeuna mah jadi jempling pisan.

144. cara hurang tai ka hulu-hulu
     bodo pisan, sangat bodoh.

145. cara jogjog mondok
     carekcok bae, mani gandeng naker.

146. cara kuda leupas ti gedogan
     ngabencah sakama-kama.

147. cara simeut hiris, tai kana beuheung beuheung
     pohara bodona, beunang dibobodo atawa ditipu ku batur.

148. carincing pageuh kancing, saringset pageuh iket
     taki-taki ngajaga kaamanan, mageuhan tulak jeung sajabana, bisi aya bancang pakewuh
     waspada terhadap kekacauan yang mungkin datang.

149. ceuli lentaheun
     awas pisan pangdengena, sok sadenge-dengena najan lain dengekeuneun, sok gancang nyaritakeun ka batur naon bae anu kadenge, turtaning tacan karuhan eta beja teh bener henteuna
     mendengarkan sesuatu yang tidak pantas untuk didengarkan.

150. cicing dina sihung maung
     nganjrek di jalma anu nyusahkeun atawa bakal nyilakakeun ka diri urang
     dekat dengan orang yang mungkin mencelakakan

151. cikaracak ninggang batu laun-laun jadi legok
     ku dileukeunan mah sakumaha hesena ge lila-lila jadi bisa
     jika tekun mengerjakan sesuatu pasti akan menuai hasil yang menggembirakan.

152. cileuncang mande sagara, cecendet mande kiara, hunyur nandean gunung
     nyaruaan ka jalma anu saluhureun harkatna, darajatna atawa pangabogana, anu heunghar atawa nu gede pangaruhna
     orang yang ingin mengungguli dari segi derajat martabat dan kedudukan.

153. ciri sabumi cara sadesa
     beda tempatna, beda deui adat jeung kabiasaanana
     beda tempat tinggal beda adat istiadat pula.

154. clik putih clak herang
     iklas, kaluar tina hate beresih, rido pisan, teu aya geuneuk maleukmeuk
     ikhlas.

155. congo-congo ku amis, mun rek amis ge puhuna
     anak-anakna teu bageur, da kolotna oge henteu
     anak-anak jelek kelakuannya karena orangtuanya juga jelek kelakuannya

156. cueut ka nu hideung ponteng ka nu koneng
     pilih kasih, teu adil
     pilih kasih, tidak adil.

157. cueut kaharep
     tereh maot

158. cul dog tinggal igel
     ninggalkeun pegawean nu geus puguh hasilna, migawe deui nu can karuhan
     mengerjakan pekerjaan yang tidak berpenghasilan dan meninggalkan pekerjaan yang sudah pasti ada hasilnya.

159. daek macok embung dipacok
     daek dibere embung mere, daek ngarah kana rejeki atawa pakaya batur, tapi diarah rejekina atawa pakayana ku batur mah embung
     mau diberi tidak mau memberi

160. dagang oncom rancatan emas
     modal gede ari batina teu sabaraha
     modalnya besar tapi keuntungannya sedikit

161. dah bawang dah kapas
     tah barangna tah duitna.

162. daluang katinggang mangsi
     susuganan katuliskeun aya jodo waris
     mudah-mudahan mendpatkan jodoh

163. deugdeug tanjeuran pada ngadeugdeug
     pada ngalalajoan, jadi tongtonan kulantaran pinter dina kasenian.

164. deukeut deuleu pondok lengkah
     teu bebas indit-inditan atawa migawe atawa migawe hiji hal
     tidak bebas dan leluasa dalam melakukan sesuatu.

165. deukeut-deukeut anak taleus
     sakitu padeukeut teu apal yen baraya
     meskipun berdekatan tetapi tidak hafal keluarga sendiri

166. dibabuk lalayakeun
     dibabuk kenca katuhu

167. dibejer-beaskeun
     dijentrekeun / dieceskeun

168. dibere sabuku menta sajeungkal, dibere sajeungkal menta sadeupa
     ku sabab dibere hate, ngadadak loba pamentana
     karena diberi hati, akhirnya jadi banyak permintaan.

169. dibeureum dihideung
     pasrah dikukumaha oge mangga
     pasrah mau diapakan juga terserah.

170. dibeuweung diutahkeun
     dipikir heula
     dipikirkan lagi matang-matang.

171. dihin pinasti anyar pinanggih
     sagala nu kaalaman atawa kalakonan ayeuna sabenerna geus ditangtukeun ti heula ku pangeran
     segala sesuatu itu sudah ada yang mengatur dan menentukan yaitu tuhan.

172. dihurun-suluhkeun
     disamarutkeun, dihijikeun bae, disaruakeun bae, teu dibeda-beda
     yang jelek salah seorang, tetapi semuanya kena / dianggap salah semua

173. dijieun hulu teu nyanggut, dijieun buntut teu ngepot
     teu beunang dijeujeuhkeun, kana sagala rupa teu eucreug
     tidak bisa diatur, segalanya serba tidak beres

174. dikompet-daunkeun
     disamarutkeun, dihijikeun bae, disaruakeun bae, teu dibeda-beda
     yang jelek salah seorang, tetapi semuanya kena / dianggap salah semua

175. dikungkung teu diawur, dicangcang teu diparaban
     ari dipegat mah teu acan, ngan geus teu dipeutingan jeung teu dibalanjaan.

176. dipiamis buah gintung
     disangka hade hate atawa bageur, tapi buktina sabalikna
     disangka baik hati ternyata sebaliknya

177. disakompet-daunkeun
     disamarutkeun, dihijikeun bae, disaruakeun bae, teu dibeda-beda
     yang jelek salah seorang, tetapi semuanya kena / dianggap salah semua

178. disiksik dikunyit-kunyit dicacag diwalang-walang
     dihukum berat kacida, dihukum pati
     dihukum dengan seberat-beratnya.

179. disuhun dina embun-embunan
     kacida ditarimakeunana
     diterima dengan senang hati.

180. ditangtang ditengteng dijieun bonteng sapasi
     dialak ilik lantaran dianggap aneh.

181. ditilik ti gigir lenggik, disawang ti tukang lenjang, diteuteup ti hareup sieup
     lenjang jeung geulis pisan, pantes kewes
     langsing dan cantik

182. ditiung geus hujan
     kakara ati-ati sanggeus ngarandapan kasusah atawa kacilakaan
     baru hati-hati setelah mendapatkan musibah atau kecelakaan

183. diuk ngahurun balung ku tulang
     teu puguh cabak, sagala bararingung.

184. dogdog pangrewong
     acara panambah, bagian anu euweuh hartina, dina teu aya oge teu nanaon.

185. dogong dogong tulak cau, geus gede dituar batur
     ngantian jeung mahugi parawan ti keur leutik keneh, sugan diparengkeun ku nu kawasa jadi pipamajikaneun, na ari geus gede dikawin batur, atuh hese cape taya gawe
     ungkapan untuk orang yang menandai perempuan sejak kecil, dengan memberi apa saja supaya nanti bisa dinikahi. tetapi ketika dewasa malah dinikahi oleh orang lain.

186. dosa salaput hulu
     kacida loba dosana.

187. duduga peryoga
     kudu bisa ngira-ngira hade gorengna
     harus bisa mengira-ngira baik-buruknya

188. dug hulu pet nyawa
     usaha satekah polah

189. dulang tinande
     awewe mah nurutkeun bae, kumaha diaturna jeung diparentahna ku nu jadi salaki
     perempuan anya menuruti kemauan suamminya

190. duum tinggi
     ngabagikeun naon naon henteu kalawan adil aya nu loba, aya nu saeutik.

191. eleh atah-atah
     babari eleh, elehan
     mudah kalah

192. eleh deet
     ngelehan maneh
     mengalah, meski tidak setuju dengan persetujuan namun dengan terpaksa harus mengikuti persetujuan orang lain.

193. eleh papan meunang halis
     sareatna eleh dina diaduna, tapi hakekatna meunang dina bebeneranana.

194. eling-eling mangka eling rumingkang di bumi alam
     sakur jalma kudu inget kanu kagungan bumi jeung langit katul eusina, yen hirup teh darma wawayangan wae
     setiap mmanusia harus ingat bahwa di dunia hanya sebagai mahluk-Nya

195. elmu ajug
     bisa mamatahan batur, ari sorangan teu bisa ngamalkeun
     pada orang lain menasehati namun dirinya sendiri tidak menjalankannya.

196. elmu angklung
     patukang tonggong jeung kolot
     orang yang tidak menghormati orang tua atau yang lebih dewasa.

197. elmu sapi
     samiuk kana kagorengan
     ikut dalam hal keburukan

198. elmu tumbila
     pribumi, nu boga imah ngarugikeun ka tatamu.

199. elmu tungtut dunya siar, sukan – sukan sakadarna,
     teangan elmu jeung harta banda keur pibeukeuleun engkena, sarta kudu bisa hirup basajan
     kita harus mencari ilmu dan harta serta hidup secara sederhana saja

200. elok bangkong
     nuju sakarat, ngan kari tunggu dawuh bae.

201. endog mapatahan hayam
     sahandapeun mapatahan ka saluhureun atawa nu ngira mapatahan nu geus kolot
     orang muda menasehati orang yang sudah berpengalaman atau sudah tua.

202. endog sapatarangan tara megar kabeh
     najan saindung sabapa hneteu sarua milikna, rejekina atawa darajatna
     diantara saudara-saudara, ada saja masibnya yang kurang baik

203. endog sasayang peupeus hiji peupeus kabeh
     mun di antara dulur-dulur aya saurang nu nyien codeka, sok mamawa ka sarerea
     kalau ada di antara saudara-saudara yang membuat kesalahan, maka yang lainnya suka terbawa-bawa

204. endog tara megar kabeh
     najan saindung sabapa hneteu sarua milikna, rejekina atawa darajatna
     diantara saudara-saudara, ada saja masibnya yang kurang baik

205. entong neangan pibonganeun batur
     picilakaeun nepi ka ku batur bisa dibongan-bongan.

206. era parada
     era ku omongan/lampah batur nu matak aeb
     merasa malu mendengar aib dari orang lain.

207. etopan gawe nu lian
     turut campur kana pagawean anu sejen pipiluen kana urusan batur
     ikut campur masalah orang lain.

208. galagah kacaahan
     nganteur atawa ngalajur napsu kulantaran kapangaruhan ku batur
     berbuat hal yang tidak baik karena terbawa-bawa orang lain

209. galak sinongnong
     lalaki bujang nu kakara aya sir ka awewe tapi can wani adu hareupan
     lelaki muda yang suka pada wanita namun belum berani untuk berhadapan.

210. galak timburu
     babari timburuan
     cemburuan.

211. galegeh gado
     sagala dicaritakeun, darehdeh tapi henteu terus kana hate.

212. gancang pincang
     dipigawe gancang anggeus tapi hasilna kurang nyugemakeun
     pekerjaan yang dilakukan selesai dengan cepat maka hasilnya kurang bagus.

213. gantung denge
     masih dedengeeun, hanteu terus bisa ngadengekeun hiji perkara jeung pohara hayangna neruskeun ngadengekeun
     merasa kecewa dengan hal yang sedang asyik didengarkan namun telah usai.

214. gantung teureuyeun
     hanteu terus daharna sabab dahareunana geus beak atawa daharna kapaksa kudu eureun heula ku lantaran aya dahareun nu didagoan.

215. garo singsat
     pagawean awewe dimana keur aya ka teu panuju

216. gede cahak manan cohok
     leuwih loba ngaluar keun duit batan panghasilan
     lebih banyak pengeluaran daripada pemasukan

217. gede gunung pananggeuhan
     adigung atawa asa aing kulantaran boga kolot atawa baraya baleunghar atawa jareneng, boga baranya atawa sobat luhur pangkat sarta gede dunya, anu dipake andalan pibisaen nulungan dina perluna
     punya saudara atau teman yang berpangkat dan kaya, tempat berlindung dan meminta pertolongan

218. gede hulu
     adigung, asa aing
     sombong.

219. gede-gede kayu randu, dipakeke pamikul bengkung, dipake lincar sok anggang, dipake pancir ngajedig
     ngeunaan ka jalma anu jangkung harelung tur dedeg ngan hanjakal gawena jeung karajinanana goreng.

220. geletuk batuna kecebur caina
     kumaha behna bae, kumaha engke
     apa kata nanti saja.

221. getas harupateun, pingges harepan
     gampang pisan nyalahkeun atawa ngahukum ka batur, babarian ambek
     muda menyalahkan orang lain

222. geulis sisi, laur gunung, sonagar huma
     ari rupa mah tegep ngan dangong dusun meledug.

223. gindi pikir belang bayah
     goreng hate, dolim, julig , dengki, teu setia satuhu
     tidak setia.

224. ginding kakampis
     ari pake mah ginding ngan duit teu boga
     berpenampilan keren seperti orang kaya padahal isi sakunya kosong

225. giri lungsi tanpa hina
     nu luhur jeung nu handap sarua bae ulah dihina.

226. goong saba karia
     ngagulkeun diri sorangan, datang sorangan ka anu keur kariaan sanajan hanteu diondang, maksudna hayang dititah gawe sangkan seubeuh baranghakan.

227. goreng peujit
     goreng hate
     dengki.

228. gugon tuhon
     kukuh pengkuh boh ka dunungan atawa kana adat kabiasaan jeung kapercayaan
     taat atau teguh pendirian terhadap adat kepercayaan.

229. gunung kapitan sela
     budak awewe nu boga lanceuk hiji jeung lalaki hiji sabalikna tina sela kapitan gunung.

230. gunung luhur beunang diukur, laut jero beunang dijugjugan, tapi hate jalma najan deet teu kakobet
     nyaho kahayang atawa eusi hate jalma kacida hesena
     mengetahui isi hati orang itu susah sekali

231. gunung tanpa tutugan, sagara tanpa tepi
     euweuh anggeusna, euweuh beakna, taya wates wangenna, euweuh tungtungna
     tanpa batas, tanpa tepi

232. gurat batu
     pageuh kana janji, mawa karep sorangan, carek kudu kitu teh kudu kitu bae teu beunang dirobah
     teguh pendirian.

233. gurat cai
     babari ngarobah omongan, jangji nu geus diucapkeun cidera jangji
     ingkar, tidak bisa dipegang janjinya atau omongannya.

234. guru ratu wong tua karo
     guru, raja jeung kolot wajib dihormat jeung diturut parentahna
     guru atau orang tua harus dituruti perintahnya.

235. gusti Alloh tara nanggeuy dibongkokna
     gusti Alloh tara nangtayungan ka mahlukna anu salah atawa boga dosa ka papada kawula.

236. hade gogog hade tagog
     hade basa jeung hade tingkah lacuna
     pantas, baik ucap dan perilakuna

237. hade ku omong goreng ku omong
     dina nyanghareupan masalah, rek hade rek goreng kudu dibadamikeun, sagala rupa perkara bisa disebut hade atawa goreng lantaran omonganana
     segala sesuatu disebut jelek lantaran dari omongannya.

238. halodo sataun lantis ku hujan sapoe
     kahadean anu sakitu gedena tur lilana leungit pisan ku kagorengan atawa kasalahan sapoe
     kebaikan-kebaikan yang dilakukan akan hilang dengan sekali kesalahan

239. hambur bacot murah congcot
     babari nyarekan tapi berehan, goreng ucapanana tapi sok barang bere
     mudah marah tapi mudah juga untuk memberi

240. hampang birit
     gampang dititah, daekan
     giat atau rajin.

241. hampang leungeun
     sok teuteunggeul, babari neunggeul
     suka bertindak kekerasan terhadap orang lain.

242. handap asor
     daek ngahormat atawa ngajenan ka batur
     sopan santun terhadap sesama.

243. handap lanyap
     

244. handep lenyap
     sikep jeung omongan alus tapi ngahina
     sikapnya ramah atau sopan namun mudah menyinggung orang lain.

245. hanteu gedag bulu salambar
     hanteu sieun atawa gimir saeutik eutik acan.

246. hapa hapa ge ranggeuyan
     sanajan miskin oge salaki mah boga.

247. harewos bojong
     harewos anu cukup tarikna, nepi kadenge ku jalma anu deukeut kalawan tetela pisan
     berbisik bisik namun masih kedengaran oleh orang.

248. harigu manukeun
     dadana nonjol ka hareup

249. haripeut ku teuteureuyeun
     gancang atoh dina meunangna rejeki, boh dahareun boh duit kalawan teu ngingetkeun balukarna ieu teh rejeki halal atawa haram
     cepat menerima, tidak dipikir secara matang

250. harus omong batan goong
     beja nu can tangtu bener salana sok gancang pisan sumebarna
     kabar burung atau fitnah biasanya lebih cepat tersebar dan dilebih lebihkan.

251. hayang untung jadi buntung
     teu papanggih ari jeung kauntungan mah, papanggih soteh jeung karugian anu sama sakali henteu diarep arep.

252. hejo tihang
     pundah pindah pagawean, resep jeung remen gunta ganti imah tempat atawa pagawean
     suka berpindah pindah, suka berganti ganti pekerjaan.

253. henteu asa jeung jiga
     geus loma kacida
     sudah biasa memberi kepada orang seperti saudara kandung sendiri.

254. henteu unggut kalinduan gedag kaanginan
     henteu kapangaruhan ku rupa-rupa gogoda pageuh nyekel tangtungan sorangan
     sangat teguh dalam memegang prinsip.

255. herang caina beunang laukna
     maksud bisa kahontal kalawan beres tanpa ngarugikeun atawa nganyenyeri batur.

256. herang herang kari mata, teuas teuas kari bincurang
     bareto mah beunghar ayeuna kari miskina.

257. heueuh heueuh bueuk
     nyatujuan ari diluar mah, ngan bae henteu terus jeung hatena.

258. heuras genggerong
     omongana teureugeus, hayang menang sorangan

259. heuras letah
     hatinya keras, omongannya kasar

260. heureut pakeun
     kurang kaboga

261. heurin ku letah
     hayang jeung perlu ngabejakeun hiji perkara, ngan sieun pok kulantaran loba karisi atawa karempan
     yang perlu dibicarakan susah untuk diucapkan

262. hirup disuhun paeh dirampes
     pasrah menerima

263. hirup ku panyukup gede ku pamere
     hirup samahi mahi ku pamere batur bae, sabab teu purun hojah sorangan dina enggoning nyiar kipayah.

264. hirup nuhun paeh dirampes
     rido pisan pasrah pisan, teu boga kahayang naon naon.

265. hirup teu neut, paeh teu hos
     terus terusan gering ripuh tapi teu maot
     sakit yang berkepanjangan namun tidak mati mati.

266. hirup ulah manggih tungtung, paeh ulah aya beja
     kudu bageur kudu hade laku lampah supaya alus kacaritakeunana

267. hujan cipanon
     ceurik balilihan, loba nu ceurik
     tersedu sedu, sedu sedan, menangis.

268. hulu dugul dihihidan
     nu keur senang tambang senang, nu keur untung tambah untung
     yang sedang untung makin untung

269. hulu peutieun
     jalma anu leutik sirahna henteu surup jeung awakna
     orang yang kepalanya kecil yang tidak sebanding dengan perawakan tubuhnya.

270. hunyur nandean gunung
     nyaruaan ka jalma saluhureun harkatna atawa pangabogana.

271. hurip gusti waras abdi
     upama raja senang sarta mulya rahayat cageur
     zaman feodal.

272. hurung nangtung siang leumpang
     ginding jeung hirup mewah, nembongkeun kabeungharan dina tingkah laku sapopoe
     orang yang memperlihatkan kekayaan dalam kehidupan sehari-hari

273. hutang salaput hulu
     hutangna ka ditu ka dieu

274. ieu aing
     merasa diri paling pintar, gagah, dan sebagainya

275. ieu aing uyah kidul
     boga rasa pangleuwihna ti pada batur, boh ngeunaan rupa, pangarti, pangaboga, pangkat atawa kakawasaan.

276. ilang along margahina, katinggang pangpung dilebok maung, rambutna salambar, getihna satetes, ambekanana sadami, agamana darigamana, kaula nyerenkeun
     masrahkeun sagalana hadena gorengna, bagja cilakana - biasana sok dipake dina seserahan.

277. indit sirib
     indit sarerea saeusi imah
     berangkat semuanya, anak, cucu dan kerabat

278. indung lembu bapa banteng
     turunan gagah, beunghar, atawa menak ti indung atawa ti bapa
     orang keturunan berada baik dari ibu maupun dari ayah

279. indung peuting
     mega peuting anu sok katembong ti peuting.

280. indung suku ge moal dibejaan
     niat pageuh nyekel rusiah
     niat kuat menjaga raasia

281. inget inget poho
     teu inget kana perkara nu geus kajadian baheula.

282. inggis batan maut hinis rempan batan mesat gobang
     paur kacida matak risi kacida
     sangat risih dan tidak nyaman.

283. ipis biwir
     babari ceurik
     cengeng, gambreng atau mudah sekali menangis.

284. ipis kulit beungeut
     gede kaera, eraan
     pemalu sekali.

285. iwak nangtang sujen
     wani nyorang pibahayaeun atawa picilakaeun
     melakukan perbuatan yang menantang bahaya

286. jabung tumalapung sabda tumapalang
     milu nyaritakeun hiji perkara sakapeung nempasan omongan batur, nyeta-nyeta siga nu nyaho, padahal teu nyaho nanaon
     orang yang tidak tahu urusan tapi ikut campur

287. jadi maung malang
     jadi panghalang, ngeunaan ka lalaki nu ngahalangan pijodoeun hiji awewe.

288. jadi sabiwir hiji
     jadi omongan jalma loba

289. jadi senen kalemekan
     mindeng dicaritakeun batur.

290. jagangna ka urang, ari jagongna ka batur
     urang nu hese capena ari hasilna beunang ku batur
     kita yang berjerih payah, orang lain yang menikmati hasilnya

291. jalma atah warah
     jalma kurang didikan

292. jalma cepet bener
     jalma lempeng tur jujur

293. jalma jauh ka bedug
     jalma dusun, euweuh kanyaho

294. jalma kandel kulit beungeut
     jalma euweuh kaera.

295. jalma pasagi
     jalma euweuh kakurangna
     orang yang tidak ada kekurangan

296. jaman baheula
     waktu nu kaliwat geus lila
     jaman dahulu

297. jaman cacing dua saduit
     jaman baheula pisan.

298. jampe pamake
     rupa-rupa pamake jeung pamolah pikeun ngahasilkeun maksud.

299. janget kinatelon
     turunan hade atawa goreng ti indung ti bapa.

300. jati kasilih ku junti
     menak kaelehkeun ku somah atawa pribumi kaaelehkeun ku semah
     orang besar dikalahkan oleh rakyat biasa, pribumi kalah oleh tamu, orang lama kalah oleh orang baru.

301. jauh dijugjug anggang diteang
     sanajan jauh tetep didatangan

302. jauh jauh panjang gagang
     hanas jauh jauh oge dijugjug, ngan hanjakal ku teu hasil.

303. jauh ka bedug anggang ka dayeuh
     dusun, teu nyaho kana tata-titi, tidak tanduk, suba sita, duduga jeung peryoga
     orang dusun tidak tahu adat/sopan santun

304. jauh ka bedug anggar ka dulang
     dusun teu nyaho kana adat

305. jauh tanah ka langit
     mikahayang nu pamohalan laksana.

306. jawadah tutung biritna, sacara-sacara
     unggal daerah boga adat jeung kabiasaanana sewang-sewang, adat kabiasaan teu sarua dimana-mana
     adat istiadat/kebiasaan di berbagai daerah tidak sama

307. jegjeg ceker
     cape kulantaran leumpang ka dieu ka dieu.

308. jejer pasar
     lumrah bae, mun ka lalaki, kasep henteu, goreng henteu.

309. jeung leweh mah mending waleh
     leuwih hade wakca balaka ngedalkeun kahayang ti batan ngandung kabingung teu wani pok nyarita.

310. jogjog neureuy buah loa
     mikarep ka anu lain babad, milampah anu moal pihasileun, mikahayang nu teu layak
     menginginkan yang tak layak

311. jojodog unggah ka salu
     urut badega jadi nu jeneng atawa jadi juragaan istri
     bekas orang bawahan menjadi atasan atau bekas pembantu menjadi nyonya rumah

312. ka cai jadi saleuwi ka darat jadi salogak
     layeut, runtut raut sauyunan silih pihapekeun
     akur, rukun, seia sekata

313. ka hareup ngala sajeujeuh, ka tukang ngala sajeungkal
     hirup ati-ati make itungan
     hidup hati-hati dengan perhitungan

314. ka luhur teu sirungan kahandap teu akaran
     jalma nu jahat, julig jeung dengki mah moal jamuga, moal aya kamajuan boh ngeunaan pangkat, boh rejeki.

315. kabawa ku sakaba-kaba
     kapangaruhan atawa kabawakeun ku batur nu teu pati eucreng

316. kabedil langit kabentar gelap
     kalinglap
     pangling

317. kabeungbeurat dada
     tanggung jawab

318. kabeureuyan mah tara ku tulang munding tapi ku cucuk peda
     nu matak cilaka teh biasana ku lantaran mokahaan tina urusan leutik
     kecelakaan biasanya disebabkan oleh hal-hal sepele

319. kacanir bangban
     meunang kaera
     mendapatkan malu

320. kaceluk ka awun-awun kawentar ka janapria, kakoncara ka mancanagara
     kawentar pisan, kamashur
     mashur, sangat terkenal

321. kaciwit kulit kabawa daging
     kabawa goreng, kababawa, katarik kana hiji perkara, keukeuh milu susah, sanajan teu boga salah jeung henteu milu ulubiung perkarana
     tersangkut masalah walaupun tidak bersalah

322. kahareup ngala sajeujeuh, ka tukang ngala sajeungkal
     hirup kudu ati-ati, make itungan keur kahareupna sareng pangalaman saacanna
     hidup harus berhati-hati, harus punya perhitungan agar tidak salah melangkah.

323. kahieuman bangkong
     beunghar katitipan barang batur, jiga beunghar katenjona ku batur mah padahal miskin teu boga nanaon.

324. kai teu kalis ku angin
     unggal jalma awal ahir tangtu bakal pinanggih jeung kasusahan.

325. kajeun pait tungtung amis manan amis tungtung pait
     tibatan ahirna matak susah, leuwih hade dicaritakeun ti heula naon anu matak pisusaheunana.

326. kajeun panas tonggong asal tiis beuteung
     kajeun teuing cape gawe asal bisa dahar kalawan cukup, nuduhkeun jalma getol digawe, cape oge ngereuyeuh we, nu antukna bisa meunang pangupa jiwa
     rajin bekerja, supaya dapat upah.

327. kakeureut ku sieup, katindih ku kari-kari
     pantes keuna ku panyangka

328. kalapa bijil ti cungap
     muka rahasia sorangan lantaran teu dihaja
     rahasianya terbuka dengan sendirinya

329. kaliung kasiput
     loba baraya beunghar

330. kandel kulit beungeut
     teu aya kaera, euweuh kaera
     tidak punya rasa malu

331. kapas nu dipupul bayu
     leuleus taya tangan pangawasna

332. kapiring leutik
     kaisinan, meunang kaera
     mendapat malu

333. katempuhan buntut maung
     ngagantian kasusah batur, batur anu salahna atawa anu boga dosana, tapi urang anu kudu nyanghareupan balukarna
     jadi pengganti kesusahan orang lain, terbawa urusan orang lain

334. katuliskeun jurig
     asalna heureuy jadi enyaan

335. katumbukan catur kadatangan carita
     loba anu embung sabab ngagedekeun jeung ngagugulukeun panyerewedan.

336. katurug katutuh
     keur cilaka katambah musibah anyar
     sedang celaka bertambah lagi kemalangannya

337. kawas anjing jeung ucing
     sok parasea bae

338. kawas anjing kadempet lincar
     mere parentah ka batur teu kalawan sabar, malah bari ambek ambekan sagala
     menyuruh dengan tidak sabar dan marah-marah

339. kawas anjing tutung buntut
     kerebet ka ditu berebet ka dieu, kawas nu samar rasa
     gelisah, sedang kebingungan, tidak betah di rumah karena bawaan senang atau susah.

340. kawas awi sumaer di pasir
     teu boga pamadegan
     tidak punya pendirian yang kukuh

341. kawas bangkong katuruban batok
     bodo
     bodoh, sangat bodoh

342. kawas beusi atah beuleum
     rupana geuneuk bakat ku ambek
     raut wajah yang sangat marah.

343. kawas budak rodek hulu
     teu ngupama, teu ngajenan, teu ngahargaan pisan.

344. kawas bueuk meunang mabuk
     ngeluk jeung teu bisa ngomong, lantaran rumasa boga dosa
     diam tidak bisa bicara karena merasa bersalah

345. kawas cucurut kaibunan
     ngeunaan ka jalma anu matak sareukseuk panon.

346. kawas gaang katincak
     jempe, ngadadak simpe sapada harita.

347. kawas gula jeung peueut
     jadi hiji, tina hade pada hade/silih asih, kacida layeutna, tara aya pacogregan
     saling menyayangi tidak ada perselisihan

348. kawas hayam keur endogan
     cilingcingcat bae, teu daek cicing lantaran hate kaweur atawa geus teu sabar ngadagoan nu diarep-arep
     tidak bisa diam karena sedang gelisah, menunggu sesuatu yang diharapkan datang

349. kawas hayam panyambungan
     tacan nyaho di kaler kidul, kawantu anyar keneh aya di eta tempat.

350. kawas jeler kasaatan
     teu daek icing

351. kawas jogjog mondok
     teu daek repeh, recok.

352. kawas kacang ninggang kajang
     ngomongna tarik tur gancang, biasana ngeunaan ka awewe nu keur ngambek bari nyarekan.

353. kawas kedok bakal
     goreng patut pisan

354. kawas kuda leupas ti gedogan
     bingung ku kamerdekaan, terus sakama-kama nganteur kahayang, ngalajur napsu, ngumbar kahayang lantaran geus euweuh nu ngahalangan
     mengejar semua keinginan karena sudah tidak ada lagi yang menghalangi

355. kawas lauk asup kana bubu
     gampang asupna kana hiji hal tapi pohara hesena hayang kaluar ninggalkeun eta hal teh.

356. kawas merak
     beuki kana cengek

357. kawas nanggeuy endog beubeureumna
     kacida dadah-deudeuhna ka nu dipikanyaah lantaran inggis kumaha onam, gering, cilaka, labuh , jsb
     benar-benar menyayangi karena takut sakit atau celaka, dll

358. kawas nu dipupul bayu
     taya tangan pangawasa.

359. kawas nu mulangkeun panyiraman
     sok nu lain lain, jeung hese ngayakeunana nu dipikayang ku jalma nu tereh ajal, kahayangna sabisabisa kudu dicumponan bae, sanajan matak ngarepotkeun ka ahlina/ kulawargana.

360. kawas siraru jadi
     pabaliut ku tina lobana, ngeunaan ka jelema.

361. kawas terong beulah dua
     sama dengan orangtuanya.

362. kawas wayang pangsisina
     ngeunaan jalma nu goreng rupana.

363. kebo mulih pakandangan
     balik ti pangumbaran ka tempat asal dilahirkeun
     dari perantauan pulang ke tempat kelahiran

364. kejo asak angeun datang
     kabeneran keuna kana maksudna, henteu ngalilakeun deui.

365. kejot borosot
     gancang nyokot kaputusan teu dipikir heula

366. kelek jalan
     deukeut tapi jalana teu ya nu leumpeung

367. kembang buruan
     budak nu keur resep ulin

368. keur meujeuhna bilatung dulang
     laleutik keneh pisan keur meujeuhna bareuki dahar.

369. keur meujeuhna buta tulang buta daging
     keur meujeuhna bedas kira-kira umur 30 taun.

370. keur meujeuhna hejo lembok rambay carita
     keur meujeuhna loba pakaya jeung loba rejeki.

371. keur nuju bentang surem
     keur sue,atawa tiis badan, lamun guna tani ku hama, lamun dagang terusterusan rugi bae.

372. kiceupna sabedug sakali
     pohara lungguhna.

373. kiruh ti girang kiruh ka hilir
     lamun anu di luhurna teu balageur jeung teu balener, tangtu nu dihandapna oge milu teu bener milu teu bageur.

374. kokolot begog
     budak pipileun ngomong kana urusan kolot, ngomong teu merenah kawas kolot.

375. kokoro manggih mudlud, puasa manggih lebaran
     kokomoan, barang dahar, anu saumur-umur miskin tuluy dina hiji waktu pinanggih jeung kamulyaan atawa rejeki anu gede, sasarina sok makmak-mekmek nepi ka siga mangpang meungpeung
     orang yang ajimumpung, serakah dan tidak tahu batas.

376. kokoro nyenang
     menempatkan barang tidak pada tempatnya

377. kokoro nyoso, malarat rosa, lebaran teu meuncit hayam
     kacida miskina, jalma nu kacida malaratna

378. kotok bongkok kumorolong, kacingcalang kumarantang
     pipilueun kana hiji kalakuan kulantaran kabawakeun ku batur, henteu kalawan kahayang sorangan, nepi ka goreng katenjona.

379. kudu bisa kabula kabale
     kudu bisa mawa awak
     kita harus dapat membawa diri.

380. kudu bisa ngeureut neundeun saeutik mahi loba nyesa
     kudu apik dina nyekel harta banda supaya boga bekel

381. kudu nyaho lautanana kudu nyaho tatambanganana
     harus tahu apa kesukaannya, perilakunya, kebiasannya, dan sebagainya.

382. kujang dua pangadekna
     pagawean nu maksudna dua cabak, hiji pagawean anu ngandung dua rupa maksud.

383. kukuk simpung dilawan dada leway
     sarua gorengna, nu ngambek dilawan, nu burung dilawan gelo
     perbuatan yang sama-sama jeleknya

384. kulak canggeum bagja awak
     milik hade atawa goreng anu geus ditangtukeun ti ajalina keneh ku gusti nu maha suci, Alloh SWT

385. kumaha bule hideungna bae
     kumaha engke bae buktina, kumaha behna.

386. kumaha kejebur caina geletuk batuna
     kumaha jadina bae, henteu jadi pikiran, kumaha engke bae buktina, kumaha behna

387. kunang kunang nerus bumi
     ramana geus teu jeneng deui, putrana awal ahir aya nu jeneng cara ramana.

388. kurang jeujeuhan
     kurang itungan
     kurang berhati-hati atau kurang perhitungan.

389. kurang saeundan
     rada gelo, teu eucreug

390. kuru cileuh kentel peujit
     tirakat, ngurangan sare jeung dahar lantaran aya nu dimaksud
     mengurangi tidur dan makan

391. kurung batok
     teu resep nyanyabaan, cicing diimah bae,tara iinditan

392. labuh diuk tiba neundeut
     sarua salahna, pada-pada cilaka
     orang yang sama-sama bersalahnya dan juga sama sama celakanya.

393. laer gado
     resep barang penta, sok culamitan

394. lain bantrak bantrakeun
     taya tandinganana
     tiada tanding, tak tertandingi atau tak ada yang bisa mengalahkan.

395. lain ku tulang munding kabeureuyan mah, ku cucuk peda
     arek cilaka mah ku kasalahan anu leutik oge bisa, teu kudu ku kasalahan anu gede bae
     masalah besar itu bisa datang dari kesalahan kecil yang diabaikan

396. lain lantung tambuh laku, lain lentang tanpa beja lain leumpang maladra
     indit ti imah kalawan ngandung maksud anu tangtu, lain lapmah sakaparan paran henteu puguh anu dijugjug.

397. lalaki kembang kamangi
     seorang pria atau lelaki yang tidak mampu mencukupi kebutuhan rumah tangga atau kebutuhan materi keluarganya.

398. lalaki langit lalanang jagat
     seorang lelaki yang tampan dan juga gagah perkasa.

399. landung kandungan laer aisan
     gede timbangan atawa gede hampura
     bijak, pemaaf dan besar pertimbangan

400. langsung saur bahe carek
     sok gampang ngagelendeng atawa nyarekan
     orang yang mudah sekali menyakiti orang lain baik dengan perkataan atau tindakan

401. lantip budi
     jalma nu bisaan ngaragap hate batur
     orang yang mudah sekali mengerti orang lain, atau orang yang peka terhadap isi hati orang lain meski tidak bisa membicarakannya atau mengungkapkannya.

402. lauk buruk milu mijah piritan milu endogan
     pipilueun nyarita atawa ilubiung kana sarupaning urusan, padahal lain cabakna atawa ahlina
     ikut campur mengerjakan sesuatu yang bukan keahliannya

403. lebeut buah hejo daun
     sedang beruntung atau sedang dalam banyak rizki.

404. legeg lebe budi santri, ari lampah euwah-euwah
     tindak tandukna kawas jalma alim, sihoreng jalma jahat sok pulang-paling
     orang jahat mengelabui orang lain dengan tingkah laku yang baik

405. legok tapak genteng kadek
     loba elmu jeung pangalaman
     banyak pengetahuannya atau pengalamannya

406. lesang kuras
     teu bisa nyekel duit

407. leubeut buah hejo daun
     keur meujeuhna loba rejeki, loba pakaya.

408. leuleus awak
     daekan

409. leuleus jeujeur liat tali
     gede tinimbangan henteu getas harupateun, sabar darana
     besar pertimbangan, tidak cepat emosi dan penyabar

410. leumpang nurutkeun indung suku
     orang yang berpergian namun tidak tahu arah dan tujuannya.

411. leumpeuh yuni
     teu kuat nempo nu cilaka

412. leunggeuh cau beuleum
     teu lutreuk dina ngajalankeun hiji pagawean.

413. leutik burih
     euweuh kawani.

414. leutik cahak, gede cohok
     ari panghasilan saeutik tapi ari pangaluaran mah gede.

415. leutik ringkang gede bugang
     jalma mah teu beunang disapirakeun sabab sanajan leutik warugana, dina aya papaitna atawa bobor karahayuan mah bisa jadi kasusah sarerea.

416. leutik-leutik ngagalatik
     sanajan leutik awakna henteu jangkung tur gede, tapi leber ku wawanen.

417. leuwi jero beunang diteuleuman, hate jalma najan deet teu kakobet
     hade gorengna pikiran jalma hese dikira-kirana.

418. lieuk euweuh ragap taya
     teu boga nanaon, malarat
     tidak punya apa-apa, miskin

419. loba catur tanpa bukur
     loba ngomong wungkul tanpa eusi
     orang yang banyak berbicara namun kenyataannya dalam bertindak tidak ada.

420. loba luang jeung daluang
     loba pangalaman jeung pangaweruhna

421. loba teuing jaksa
     loba teuing anu pinter nu ngatur jeung mapatahan, balukarna matak bingung nu dipapatahan.

422. lodong kosong ngelentrung
     kalah ka loba omong bae, ari pangartina mah euweuh.

423. luhur kuta gede dunya
     beunghar taya kakurang, gede pangaruh
     kaya dan besar pengaruhnya

424. luncat mulang
     teu beunang dicekelan omonganana, ayeuna kieu engke mah kitu
     tidak bisa dipegang ucapannya

425. lungguh tutut bodo keong, sawah sakotak kaider kabeh
     siga nu lungguh katenjona, padahal bangor
     kelihatannya pendiam dan pemalu tetapi ternyata nakal

426. malapah gedang
     nyaritana enteu langsung ka nu dituju
     ngomong basa basi dulu kesana kemari, tidak langsung ke topik utama.

427. malengpeng pakel ku munding, ngajul bulan ku asiwung
     ngajalankeun mikarep hiji perkara anu taya pihasileunana
     menjalankan usaha yang tidak akan ada hasilnya

428. maliding sanak
     henteu adil, pilih kasih.

429. malikeun pangali
     mengingatkan cerita yang tertunda atau tidak selesai.

430. mangkok emas eusi madu
     orang yang baik budi dan bahasanya.

431. mangpengkeun kuya ka leuwi
     nitah mulang ka lemburna, atawa nitah pindah ka tempat bali geusan ngajadi.

432. manis lambe
     janji sanggup apa saja, tetapi cuma di mulut

433. manuk hiber ku jangjangna
     manusia hidup dengan akalnya, setiap mahluk hidup diberi kekuatan untuk mencari rizki mereka sendiri.

434. mapatahan naek ka monyet
     mengajarkan sesuatu yang sia-sia karena yang diajarkan sudah bisa.

435. mapatahan ngojay ka meri
     mapatahan jalma anu lewih loba kanyaho jeung pangalaman
     mengajari orang yang lebih tahu dan banyak pengalaman

436. mapay ka puhu leungeun
     kesalahan jalma sok mamawa ka kolotna atawa ka saluhureunnana
     akibat kesalahan seseorang akan mengakibatkan orang tuanya terlibat

437. marebutkeun balung tanpa eusi
     madukeun perkara anu teu aya hasil
     memperebutkan sesuatu yang tidak ada manfaatnya

438. marebutkeun paisan kosong
     marebutkeun hiji perkara anu teu aya hasilna atawa mangpaatna
     memperebutkan sesuatu yang tidak ada manfaatnya

439. maung ompong, bedil kosong
     dipikahormat atawa dipikasieun keneh sanajan geus teu boga pangkat atawa jabatan
     orang yang sangat ditakuti atau dihormati meskipun tidak mempunyai jabatan atau kekuasaan.

440. maut nyere ka congona
     keur ngora senang, tapi ari kakolotnakeun susah.

441. meber-meber totopong heureut
     ngajeujeuhkeun rejeki saeutik supaya mahi
     mengatur uang yang sedikit agar cukup

442. melengkung beukas nyalahan
     ari keur ngora keneh bageur tapi kakolotnakeun jadi teu bageur
     yang dikira-kira bagus ternyata hasilnya sebaliknya.

443. menta buntut
     menta deui
     minta lagi

444. mere langgir kalieun
     mere naon-naon anu bisa jadi aya pisusaheunana atawa pibahlaeunana.

445. meuli teri meunang japuh
     kalawan teu disangka sangka meunang milik, darajat atawa kauntungan anu leuwih gede.

446. meunang kopi pait
     meunang omongan nu teu ngeunah
     mendapat cacian atau mendapatkan omelan dari orang lain

447. meungpeun carang ku ayakan
     api-api teu nyaho, ngantep jalma migawe hal nu dilarang
     pura-pura tidak tahu

448. meungpeung teugeu harianeun
     embung pisan tutulung ka batur nu keur susah atawa loba kabutuh.

449. miceun batok meunang coet
     miceun nu goreng kulantaran hayang meunang anu alus, tapi tungtungna meunang nu goreng deui bae.

450. mihape hayam ka heulang
     nitipkeun barang atawa banda ka jalma anu geus kaciri teu jujur
     menitipkan sesuatu kepada orang yang sudah kelihatan culas

451. mindingan beungeut ku saweuy
     nyimbutan rahasia sorangan nu geus jadi rahasia umum, atawa nembongkeun budi parangi anu biasa ka jalma anu dipikangewa, api-api resep bae
     menutupi rahasia yang sudah jadi rahasia umum atau memperlihatkan sikap yang biasa kepada orang yang dibenci

452. mipit teu amit ngala teu menta
     maling boga batur.

453. miyuni hayam kabiri
     leutik burih babari sumerah eleh atawa lalaki nu babari sumerah ka awewe.

454. miyuni kembang
     loba nu mikaresep

455. miyuni kohkol
     nasibna diteunggeulan wae ku batur

456. miyuni tai
     loba nu mukangewa

457. moal ceurik menta eusi
     keun bae mawa wadah anu gede oge da lain hayang loba diberena.

458. moal neangan jurig teu kadeuleu
     arek nyekel jalma nu aya bae, moal neangan jalma nu euweuh.

459. mobok manggih gorowong
     aya jalan pikeun ngalaksanakeun kahayang anu henteu gampang pihasileun
     menemukan cara untuk melaksanakan keinginan

460. monyet dibere sesengked
     orang jahat diberi jalan untuk memuluskan aksinya.

461. monyet kapalingan jagong
     tukang maling kapalingan, tukang tipu katipu, tukang ngarah nagrinah karoroncodan
     pencuri jadi korban pencurian, penipu ditipu

462. monyet ngagugulung kalapa
     mempunyai sesuatu tetapi tidak tahu cara menggunakannya.

463. mopo memeh nanggung
     hoream atawa wegah, teu sanggup samemeh prak
     malas, merasa tidak sanggup berbuat padahal belum dikerjakan, bisa juga kumeok memeh dipacok.

464. moro julang ngaleupaskeun peusing
     ngaleupaskeun barang nu geus kapimilik lantaran kabita ku nu leuwih gede, padahal can tangtu hasilna
     melepaskan sesuatu yang telah dimiliki karena menginginkan sesuatu yang lebih besar padahal belum tentu didapat

465. mulih ka jati mulang ka asal
     maot, ninggalkeun alam dunya
     meninggal dunia

466. mun kiruh ti girangna komo kahilirna
     lamun anu jadi pamingpin lampahna kurang hade, komo anu dipingpina
     kalau tingkah laku pimpinannya kurang baik apalagi bawahannya, ketika keadaan sudah rumit diawal maka seterunya juga akan lebih rumit lagi

467. mun teu ngakal moal ngakeul, mun teu ngarah moal ngarih, mun teu ngoprek moal nyapek
     mun teu usaha moal boga rejeki
     jika tidak bekerja, tidak akan mendapatkan penghasilan

468. muncang labuh ka puhu, kebo mulih pakandangan
     mulang ka lemburna sabada mang taun taun aya di pangumbaraan/ panyabaan
     kembali pada tempat asal atau tanah kelahirannya

469. mupugkeun tai kanjut
     ngetrukeun pangaboga dina waktuna nyunatan atawa ngawinkeun anak anu kacida dipikameumeutna.

470. murag bulu bitis
     teu daek cicing di imah
     tidak betah diam di rumah, lebih suka bepergian

471. naheun bubu pahareup hareup
     dina pangabutuh silih injeuman duit, pahutang-hutang.

472. nangkeup mawa eunyeuh
     mawa cilaka ka jalma anu dipentaan tulung jeung geus nulungan ka urang
     membawa celaka pada orang yang dimintai pertolongan

473. nangtung kariung ngadeg karageman
     ngariung rarageman ngabadamikeun hiji perkara.

474. nepak cai malar ceret
     api-api nyual, susuganan bisa nyaho tina jawaban nu ditanya. hasud ka batur/manehna hayang dipihade, ngomongkeun jeung ngagogoreng batur, supaya batur teh ragrag ngarana jeung kawentar kagorenganana
     pura-pura bertanya, mudah-mudahan mendapat jawaban yang sebenarnya

475. nepakeun jurig pateuh
     mere susah atawa mindahkeun masalah ka batur sangkan urang sorangan salamet
     memberikan masalah/kesulitan kepada orang lain

476. nepi memeh indit
     kudu direncanakan kalawan asak
     kita harus berfikir matang sebelum bertindak.

477. nete porot ngeumbing lesot
     cukup ari ihtiar mah kalawan mangrupa-rupa akal tarekah tapi teu hasil bae.

478. nete semplak nincak semplak
     kitu salah kieu salah, sagala usaha teu hasil
     serba salah, segala usaha tidak berhasil

479. nete taraje nincak hambalan
     kudu puguh tahapanana mun migawe pagawean
     melakukan pekerjaan harus setahap-setahap

480. neukteuk curuk dina pingping
     ngadakwakeun nu lian, tapi nu ngadakwakeunana milu susah, sabab milu katarik kana perkara, milu adu hareupan jeung hakim.

481. neukteuk mani anggeus, rokrok pondokeun peunggas harupateun
     heuras hatena teu sabar dina nyanghareupan rupa-rupa kasusahan jeung babari luluasan.

482. neundeun piheuleut nunda picela
     neangan pilantaraneun supaya jadi goreng

483. ngabejaan bulu tuur
     ngabeaan nu geus apal
     memberitahu kepada yang yang sudah tahu.

484. ngabudi ucing
     teu wani nembongkeun atawa ngedalkeun kahayang atawa kadeudeuh.

485. ngabuntut bangkong
     teu puguh tuluyna

486. ngadago uncal mapal
     menunggu sesuatu yang belum tentu datang.

487. ngadagoan belut sisitan, oray jangjangan
     moal kaalaman, mustahil kaajaiban
     tidak mungkin terjadi

488. ngadagoan kuah beukah
     ngadagoan pasesaan kadaharan hal ieu ngan wungkul tukang babantu di imah batur bae, anu saenyana mah ayana tukang babantu teh henteu perlu.

489. ngadagoan uncal mabal
     ngadagoan jeung mikahayang kana rejeki tapi sungkan ihtiar pikeun ngadatangkeun eta rejeki.

490. ngadaun ngora
     jadi rame

491. ngadaweung ngabangbang areuy
     pohara nineungna kana jaman nu geus kasorang nepi ka matak waas pacampur jeung sedih.

492. ngadek sacekna, nilas saplasna
     nyarita anu teu dileuwihan atawa dikurangan.

493. ngadepaan lincar
     api-api ngaliwat hayang diaku, ngarep-ngarep pamere. ngadeukeutan anu keur sidekah atawa kariaan, supaya katenjo ku anu boga imah jeung diajak dahar.

494. ngadu angklung di pasar
     papaduan nguruskeun nu euweuh mangpaatna di hareupeun jalma loba.

495. ngadu geulis
     paalus alus

496. ngadu-ngadu rajawisuna
     ngadukeun batur nepi ka matak pasea.

497. ngagandong kejo susah nyatu
     loba ari titaheun mah boh anak boh bujang ngan hanjakal ku hese nitah, euweuh nu daekeun ari dititah teh.

498. ngagedag bari mulungan
     nanyakeun hiji perkara ka batur anu urang tacan nyaho, tapi embung kanyahoan yen urang tacan nyaho, kulantaran kitu api-api geus nyaho bae
     menanyakan sesuatu yang dia tidak tahu, tapi ketika bertanya dia pura-pura sudah tahu

499. ngahurun balung ku tulung
     keur keuna ku kasusahan
     sedang kesusahan.

500. ngajul bentang ku asiwung
     hal anu pamohalan kalaksanakeun
     hal yang tidak mungkin terjadi

501. ngajul bulan ku asiwung, mesek kalapa ku jara
     usaha anu mubadir, moal ngadatangkeun hasil asiwung -kapas nu geus diberesihan sikina, biasana dipake keur mayit nutupan liang-liangan.

502. ngalebur tapak
     nutupan atawa nyumptkeun kagorengan
     menghilangkan atau menutup perbuatan jelek, supaya terlihat baik.

503. ngalegokan tapak ngajeroan tapak
     menambah kesalahan/dosa.

504. ngaliarkeun taleus ateul
     ngabeja-bejakeun kagorengan atawa kajahatan batur
     membuka aib orang lain

505. ngarawu ku siku
     loba kahayang antukna euweuh nu kahontal
     keinginannya banyak, akhirnya tidak dapat apapun.

506. ngarep-ngarep bentang ragrag
     ngarep-ngarep nu pamohalan bakal kasorang atawa kajadian.

507. ngarep-ngarep kalangkang heulang
     ngarep-ngarep hiji perkara anu kacida banggana jeung sudah pihasileunana.

508. ngawur ka sintu nyieuhkeun hayam
     berehan ka deungeun, ari ka baraya kadak-kedek
     sangat baik kepada orang lain, tetapi kerabat sendiri ditelantarkan.

509. ngeplek jawer, ngandar jangjang, miyuni hayam kabiri
     leutik burih, borangan, sieunan, kecing, taya wawanen

510. ngeundeuk-ngeundeuk geusan eunteup
     neangan akal pikeun nyilakakeun dunungan
     mencari jalan untuk mencelakakan atasan

511. ngeupeul ngahuapan maneh
     lungas lengis mikawelas mikaasih ka diri sorangan, supaya batur welaseun jeung nulungan ka urang, nyieun aturan nu balukarna nguntungkeun sorangan
     membuat aturan yang menguntungkan diri sendiri

512. nginjing sila, bengkok sembah
     goreng hate, teu satia ka anu jadi pamingpin atawa dunungan.

513. ngodok liang buntu hese cape taya gawe, susah payah taya guna
     usaha tidak ada hasilnya, sanajan tihothat oge moal atawa henteu beubeunangan

514. ngodok liang jero
     teu hasil enggoning nyiar rejeki, ka ditu ka dieu luput bae.

515. ngudag-ngudag kalangkang heulang
     miharep perkara anu samar kalaksanakeun
     mengharap sesuatu yang tidak mungkin terkabulkan

516. ngukur ka kujur nimbang ka awak
     ngaluarkeun duit pikeun kaperluan hirup, pakan, pake jste disaluyukeun jeung pangala.

517. ngukut kuda kuru ari geus gede sok nyepak
     ngukut bujang anu tadina pohara balangsakna, susak dahar susah make, tapi ari geus mulya awak lintuh jeung pake hade, ngalawan ka anu jadi dunungan.

518. ngusap birit
     bari indit kulantaran ambek nyedek atawa era paraa, leos bae indit, teu amit heula ka anu araya didinya.

519. nimu luang tinu burang
     nambahan luang atawa pangarti waktu keur pinanggih jeung kacilakaan atawa hukuman.

520. nincak parahu dua
     ngadunungan ka duaan atawa boga dua pausahaan.

521. ninggang kana kekecrekna
     keur mah goreng rupana, goreng laku lampahna deuih.

522. nini nini dikeningan, awewe randa dihiasan
     ngamahalkeun barang naon bae anu geus ruksak.

523. noong ka kolong
     leutik hate, leutik pangharepan
     kecil hati, pikirannya pendek

524. nu asih dipulang sengit, nu haat dipulang moha
     anu nyieun kahadean dibales ku kagorengan
     kebaikan dibalas dengan kejahatan

525. nu borok dirorojok = nu titeuleum disimbeuhan
     nu keur susah ditambah deui kasusahna.

526. nu burung diangklungan, nu edan dikendangan
     ngahaminan omongan atawa carita batur, sanajan ceuk hate sorangan eta omongan atawa carita teh salah.

527. nu tani kari daki, nu dagang kari hutang
     nu tani jeung nu dagang sarua ripuhna, euweuh nu mulya.

528. nuju hirup ninggang wirahma
     ngeunaan ka jalma anu keur alus milik.

529. nulungan anjing kadempet
     nulungan jalma nu teu boga pisan rasa tumarima
     menolong orang yang tidak tahu balas budi

530. nunggul pinang
     teu boga sahaha deui, nunggelis
     sudah tidak punya siapa-siapa lagi.

531. nya dihurang nya dikeuyeup
     di unggal jalma oge taya bedana, sarua bae, mungguhing wiwirang atawa katugenah hate mah boh menak boh somah sarua bae.

532. nya ngagogog nya mantog
     nya nitah ka batur nya prak ku manehna.

533. nya picung nya hulu maung
     nu nanya jeung nu ngajawab teu sapagodos, pananya jeung jawaban pasalia, henteu nyambung.

534. nyaah dulang
     ka budak nyaah ngurus daharna wungkul, pendidikana teu dipirosea

535. nyaeuran gunung ku taneuh, sagara ku uyah
     nambahan kauntungan atawa kakayaan ka anu geus beunghar.

536. nyair hurang meunang kancra
     meunang milik, darajat atawa kauntungan kalawan teu disangka sangka

537. nyaliksik ka buuk leutik
     nyusahkeun, peperedih atawa pepentaan ka jalma anu sahandapeun darajatna jeung pangabogana.

538. nyalindung ka gelung
     hirup ngandelkeun banda atawa panghasilan pamajikan wungkul
     hidup hanya mengandalkan rejeki dari istri saja, lelaki melarat menikah kepada wanita kaya supaya bisa numpang hidup.

539. nyanggakeun suku genteng belokeun, beuheung teukteukeun, disiksik dikunyit kunyit, dicacag diwalang walang
     sumerah, masrahkeun diri rek dibeureum rek dihideung kari kumaha didinya bae, dina rumasa geus salah atawa rumasa boga dosa
     menyerahkan diri karena merasa bersalah

540. nyanghulu ka jarian
     ngawula ka jalma anu sahandapeun harkatna atawa pangartina.

541. nyeri beuheung sosonggeteun
     pohara ngarep-ngarepna, tapi anu diarep arep teu jol bae datang.

542. nyeungeut damar di suhunan
     mere maweh ka deungeun-deungeun ngarah pamuji
     memperlihatkan kekayaan kepada orang lain agar dipuji

543. nyeungseurikeun upih ragrag
     akey akeyan nyeungseurikeun batur, dumeh buuk geus bodas huntu geus ompong, tonggong geus bengkung turtaning ieu the kahareup mah ku urang sarerea bakal kasorang.

544. nyiar batuk piaraheun
     nyiar pigujrudeun, pipaseaeun
     mencari penyakit, mencari keributan.

545. nyicikeun cai, murulukeun lebu
     turun cadu cacaduan, pantang ngalampahkeun hiji perkara anu dilarang ku luluhur.

546. nyiduh kalangit
     sahandapeun mamatahan saluhureun
     memberi nasehat kepada orang yang lebih tua

547. nyieun catur taya dapur
     nganggit hiji dongeng nu teu aya galurna.

548. nyieun heuleur jeroeun huma
     henteu raket jeung dulur pahare-hare bae.

549. nyieun pucuk ti girang
     nyieun jalan pipaseaaneun
     membuat jalan pertengkaran

550. nyiruan mah teu resepeun nyeuseup nu pait
     lumrahna manusa teu resep reureujeungan jeung nu teu boga.

551. nyiuk cai ku ayakan
     pagawean nu mubadir, moal ngahasilkeun nanaon.

552. nyium bari ngegel
     omongannana hade ngan hate jeung maksudna goreng . salakina dipisobat ari pamjikanana dibogohan atawa sabalikna.

553. nyokot lesot ngeumbing porot
     teu aya usaha anu ngahasilkeun.

554. nyolok mata buncelik
     nganyenyeri, ngahina atawa ngawiwirang di hareupeunana.

555. nyolong bade
     bangun daek tapi jahat

556. nyoo gado
     ngunghak

557. nyuhun nanggung ngelek ngegel
     rebo pisan, babawaanana loba naker.

558. nyuhunkeun bobot pangayon timbang taraju
     menta pangampura jeung menta timbangan da geus puguh rumasa ari salah jeung dosa mah.

559. nyukcruk walungan mapay mapay wahangan
     kalawan taliti pisan nalungtik luluhur, imeut pisan pancakakina.

560. omong harus batan goong
     beja the gancang naker nerekabna, malah sasarina mah beja anu nerekab teh leuwih hebat batan aslina.

561. owah gingsir
     hanteu tetep, henteu ajeg, gunta ganti pamadegan.

562. paanteur-anteur julang
     nu tas nganteurkeun dianteurkeun deui ku nu dianteur tadi, silih anteurkeun
     yang sudah mengantarkan diantarkan lagi oleh yang diantar

563. pacikrak ngalawan merak
     rakyat leutik ngalawan menak, nu lemah ngalwan nu kuat
     rakyat kecil melawan penguasa

564. pada rubak sisi samping
     sarua bae pada loba luangna, pada loba pangalamanana.

565. pagiri-giri calik, pagirang-girang tampian
     teu sauyunan, papada hayang menang sorangan, papada hayang leuwih, paunggul-unggul dina neangan pangupa jiwa paunggul-unggul nyiar rejeki, teu daek silih seblokan

566. paheuyeuk heuyeuk leungeun
     silih bantuan, silih belaan, silih tulungan.

567. pait daging pahang tulang
     arang gering, cageur teu keuna ku panyakit naon bae
     jauh dari penakit, tidak ada kesusahan.

568. pakotrek iteuk
     laki rabi ti ngongora napi kakolot pisan, pada pada geus jadi aki-aki nini-nini.

569. paluhur-luhur diuk
     pagede gede kauntungan dina nyiar kipayah.

570. panday tara boga bedog
     nyindiran tukang nyieun sarupaning, nu teu bogaeun eta barang nu dijieunna
     untuk menyindir orang yang membuat barang sedangkan ia sendiri tidak mempunyai barang tersebut

571. pangirang-girang tampian
     pada hayang punjul di batur, teu daek sauyunan, teuk daek silih tulungan
     semuanya ingin menjadi yang paling berhasil, tidak mau saling membantu

572. panjang lengkah
     jauh panyabaan

573. panjang leungeun
     sok puak paok / cukat cokot
     suka mencuri.

574. papadon los ka kolong
     cidra jangji, teu nedunan jangjina.

575. peureum kadeuleu beunta karasa
     inget bae, teu bisa poho. biasana mah lain kana barang tapi ka jalma anu dipikancinta.

576. peureum kadeuleu, beunta karasa
     selalu ingat.

577. piit ngeundeuk ngeundeuk pasir
     mikarep kaanu lain babadna, mikahayang anu henteu layak pikeun dirina
     menginginkan sesuatu yang tidak layak untuk dirinya

578. pindah cai pindah tampian
     ngaluyukeun diri jeung adat kabiasaan di pangumbaran
     menyesuaikan diri dengan adat kebiasaan di perantauan

579. pindah pileumpangan
     robah adat

580. pinter aling aling bodo
     pinter tapi embung kanyahoan ku batur, kusabab eta nyeta nyeta anu bodo.

581. pipilih meunang nu leuwih koceplak meunang nu pecak
     milih kalawan ati ati pisan ku lantaran hayang meunang nu leuwih hade, ngan ahirna meunang nu leuwih goreng
     berharap dapat yang paling bagus, dapatnya malah paling jelek.

582. piritan milu endogan
     pipilueun kana hiji kalakuan kulantaran kabawakeun ku batur, henteu kalawan kahayang sorangan, nepi ka goreng katenjona.

583. piruruhan katengahimahkeun
     nu dusun didikan dibawa kana pasamoan.

584. pucuk awian
     tidak pernah jelas janjinya.

585. pupulur memeh mantun
     menta buruhan memeh prak digawe
     meminta upah sebelum bekerja

586. pur kuntul kari tunggul, lar gagak kari tunggak, tunggak kacuwatan daging
     dituding boga dosa lantaran kabeneran aya di tempat kajadian kajahatan
     dituduh bersalah karena kebetulan ada di tempat kejadian

587. puraga tamba kadengda
     migawe hiji pagawean henteu jeung enya enya. henteu ngandung maksud supaya hade hasilna ieu mah pada ulah dipaido bae.

588. rambat kamale
     boga perkara ayang-ayangan.

589. ranggaek memeh tandukan
     beunghar memeh boga, jeneng memeh pangkat, agul manten samemeh beunghar atawa jeneng
     sombong dulu sebelum menjadi kaya/menjadi terkenal

590. raweuy beuweungeun rambay alaeun
     loba dahareun da loba pepelakan.

591. rumbak caringin di buruan
     dina hiji kasusah atawa karerepet geus boga teu boga kolot anu mepelingan ka urang.

592. rumbak kuntieun
     henteu lengkep, aya bae anu kurang nu matak cua kana hate.

593. rup ku padung rap ku lemah, katuruban ku taneuh beureum
     maot. sasarina ngeunaan kanyeri anu satungtung hirup moal poho sanajan nepi ka maot.

594. rusuh luput, gancang pincang kajeun kendor dapon ngagembol
     migawe naon bae anu rurusuhan, temahna matak kaduhung sabab hasilna teu matak nyugemakeun
     daripada cepat tapi sia-sia, lebih baik lambat tapi berhasil.

595. saayub payung sacaang damar
     lahan anu heureut
     tanah yang sangat sempit

596. sabobot sapihannean sabata sarimbangan
     hirup akur, runtut raut, sauyunan, sapapait samamanis sabagja sacilaka
     sakasuka sakaduka. satu hati, seia sekata, senasib sepenanggungan

597. sabuni buni anu ngising
     sanajan dibunian atawa disumputkeun oge ari laku lampah anu goreng mah awal akhir sok kudu kanyahoan bae.

598. sagalak galakna macan taru nyatu anakna
     sanajan pohara bengisna nu jadi indung-bapa, umuna tara tega ka anu jadi anak
     meski jahat tidak akan membunuh anaknya sendiri.

599. sagalak-galakna macan tara ngahakan anak sorangan
     sakumaha galakna indung jeung bapa moal tega ka anak mah
     bagaimana pun galaknya orang tua mereka tidak akan sampai hati terhadap anak sendiri

600. sagara tanpa tepi
     euweuh anggeusna, euweuh beakna
     sesuatu yang tidak ada akhirnya atau tidak ada habis-habisnya

601. sagolek pangkek sacangreud pageuh
     hanteu cidra kana jangji.

602. saherang herangna cibeas, moal herang cara cisumur
     sasarina lamun geus aya pacengkadan sok tara hade deui cara bareto samemeh aya pacengkadan, hate teh hese pisan beresihna ka jalma anu geus bukti tas nganyernyeri ka urang
     sebersih-bersihnya hati kepada musuh, tidak akan bersih sekali.

603. sakecap kadua gobang
     gampang ngambek jeung gampang ngadek deuih.

604. sakiriciking duit sakocopoking bogo
     naon bae anu matak narik kana hate urang.

605. saluhur luhur punduk tara ngaliwatan hulu
     sapinter pinterna murid pangartina moal ngaluhuran guru.

606. sangsara di geusan betah
     teuing ku miskin, teu boga naon naon pisan kulantaran geus embung digawe nyiar kipayah. anehna the ari hirup mah hayang keneh.

607. sapi anut ka banteng
     perempuan mengikuti laki-laki.

608. sapu nyere pegat simpay
     papisahan, paturay, nu asalna babarengan tuluy papisah kulantaran pindah tempat
     setelah lama bersama akhirnya berpisah karena pindah tempat

609. sareundeuk saigel sabobot sapihanean sabata sarimbangan
     sauyunan, layeut, tara aya pacengkadan.

610. satengah buah leunca
     teu jejeg ingetan, langlang lingling, kurang saeundan.

611. saumur nyunyuhun hulu
     saumur hirup rumingkang di bumi alam.

612. saungkab peundeuy
     omongan anu pondok tur kurang manis.

613. saur manuk
     ngajawab bareng

614. sengserang padung
     ngeunaan awewe atawa lalaki anu boga keneh napsuna cara baheula keur ngora keneh, sasarina aya di jalma nu geus kolot, nu tereh paeh.

615. sentak badakeun
     teu ceehan dina gawe, mimiti pohara getolna, tapi beuki lila beuki ngedul nu tungtungna teh diantep teu dipigawe pisan.

616. sereg di panto logor di liang jarum
     embung cicing di nu rame, nyingkahan hirup kumbuh jalma loba, sabab loba dosa, loba kasieun jeung kaera, betahna di nu suni nu teu aya jelema.

617. seukeut ambeu seukeut deuleu
     loba mata-matana jeung pinter nyusud perkara keur pagawean pulisi.

618. seukeut tambang manan gobang
     sakumaha gagahna wanina jeung ngalawana oge jalma jahat mah awal ahir tangtu katangkep pulisi.

619. seuneu hurung cai caah ulah disorang
     jalma nu keur ngambek ulah diheureuyan
     orang yang sedang marah jangan diganggu

620. seuseut batan neureuy keueus
     hese pisan.

621. sibanyo laleur
     ledis pisan, teu nyesa saeutik eutik acan.

622. sieun meubeut meulit
     sieun kababawamasalah
     takut terbawa masalah

623. sirung ngaliwatan tunggul
     jalma anu elmuna ngaluhuran guruna, atawa darajatna ngungkulan kolotna
     orang yang ilmunya melebihi gurunya, derajatnya melebihi orangtuanya

624. sisit kadal
     goreng milik

625. sosoroh ngadon kojor
     kikiriman ku lantaran aya pangarahan tapi boro boro meunang kauntungan, kalahka meunang wiwirang jeung karugian.

626. suku dijieun hulu, hulu dijieun suku
     digawe nyiar kipayah, kalawan meakkeun tanaga jeung pikiran
     bekerja keras untuk mencari nafkah

627. taktak korangen
     taktakna sonday siga kurang

628. tamiang meulit ka bitis
     kalakuan goreng nu malindes ka diri sorangan
     perbuatan buruk akhirnya mencelakakan diri sendiri

629. tamplok batokeun
     berehan teuing nepi ka urang mah susah.

630. tangkal kai teu kalis ku angin
     unggal jalma kudu bae nyorang kasusah
     setiap orang pasti akan menemui kesulitan

631. taya halodo panyadapan
     taya eureuna digelendeng atawa dicarekan terus bae digelendeng atawa dicarekan.

632. teng manuk teng anak merak kukuncungan
     sipat-sipat nu aya di diri anak, babakuna nu hadena, sasarina loba anu diturunkeun ku kolotna
     anak selalu mencontoh pada orangtuanya

633. teu aya sarebuk samerang nyamu
     teu aya saeutik eutik acan.

634. teu beunang dikoet kunu keked
     teuing ku koret, tara pisan tutulung ka nu butuh tatalang ka nu susah.

635. teu boga pikir rangkepan
     teu boga curiga saeutik eutik acan.

636. teu busik bulu salambar
     teu regrog-regrog, malah unggul dina juritna.

637. teu cari ka batawi tapi ka salaki
     hakan pake hayang ti salaki.

638. teu diambeuan
     teu dipikarisi, teu dipikagimir, teu dihargaan/diajenan.

639. teu didingding kelir
     teu dibuni buni, ditembrakeun bae, teu dirasiahkeun.

640. teu dipiceun sasieur
     sarua pisan teu aya bedana saeutik eutik acan.

641. teu ditari teu ditakon
     teu dipalire diantep bae, teu ditanya tanya acan.

642. teu gugur teu angina
     samemeh kajadian naon naon, teu aya pisan beja, lantaran atawa ciciren.

643. teu jauh ti tihang juru teu anggang ti tihang tengah
     nya goreng rupana nya goreng kalakuanana sok daek pulang paling.

644. teu mais teu meuleum
     teu aya patalina pisan, teu pipilueun.

645. teu ngalarung nu burung, teu nyesakeun nu edan
     ngalajur napsu ka awewe, ka anu halal jeung anu haram oge disaruakeun bae.

646. teu nginjeum ceuli teu nginjeum mata
     ngadenge jeung nenjo sorangan lain cenah jeung baruk.

647. teu nyaho di alip bingkeng
     bodo teu bisa maca-maca acan, da teu sakola.

648. teu puguh alang ujurna
     teu puguh entep seureuhna, teu beres lain kitu kuduna.

649. teu unggut kalinduan teu gedag kaanginan
     kuat pamadegan, teu keuna ku gogoda
     teguh pendirian tidak terpengaruh orang lain

650. teu wawuh wuwuh pajauh, teu loma tambah paanggang
     sing wawuh tur sing loma sabab balukarna alus pisan.

651. teui hir teu walahir, teu kakak, teu caladi teu aro aro acan
     teu baraya, teu kaka, teu adi teu alo alo acan. deungeun-deungeun tulen.

652. teunggar kalongeun
     teu sieun atawa teu nurut kulantaran remen teuing digelendeng atawa dicarekan
     gara-gara terlalu sering dimarahin, akhirnya tidak ada pengaruhnya lagi

653. ti luhur sausap rambut ti handap sahibas dampal
     menta dihampura tina rumasa geus salah atawa boga dosa.

654. ti peuting kapalingan ti beurang kasayaban
     sababaraha kali karurugian atawa karoroncodan.

655. tiis ceuli herang mata
     ngeunah hate kulantaran ngeunah deudeuleuan jeung dedengean.

656. tikoro andon peso
     ngadeukeutan jalma nu bakal ngahukum atawa nganyenyeri ka diri urang.

657. tikoro gorokeun
     nyanggakeun sadaya-daya

658. tipu keling ragaji inggris
     pinter dina kajahatan, pinter dina ngbobodo atawa nipu.

659. titip diri sangsang badan
     mihapekeun maneh, kumawula supaya aya nu mere dahar jeung pake
     menitipkan diri, berbakti agar bisa mendapatkan makan dan pakaian

660. titirah ngadon kanceuh
     sejana nyiar kasenangan, tapi jadina pinanggih jeung kasusah nu leuwih gede.

661. totopong heureut dibeber-beber, tangtu soeh
     nyukupan ku pangala nu sakitu saeutikna, tangtu bae matak jadi susah, lamun rejeki atawa pangala saeutik, ari keperluan jeung pangaluaran anu sakitu lobana.

662. tuang jinis
     orang yang suka tertawa karena ceritanya/humornya sendiri, tetapi orang lain tidak ada yang tertawa.

663. tugur tundang cuntang gantang
     ngajalankeun pagawean pikeun nagara, babakti ka nagara.

664. tunggul dirarud catang dirumpak
     euweuh anu dipikaserab, terus bae ngalajur napsu, sagala aturan dirempak
     mengikuti napsu, menghalalkan segala cara

665. tunggul sirungan, catang supaan
     aya kajadian anu goreng atawa matak teu genah ahirna.

666. tungkul ka jukut, tanggah ka sadapan
     junun kana gawe teu kabengbat atawa kaganggu ku perkara sejen
     bekerja secara tekun tidak terpengaruh oleh masalah lain

667. tuturut munding
     sagala rupa nurutkeun batur

668. ulah beunghar memeh boga
     ulah adigung nyeta nyeta anu beunghar, turtaning henteu atawa tacan boga pakaya.

669. ulah cara ka kembang malati kudu cara ka picung
     ulah babari bosenan, tapi kudu satia salilana.

670. ulah ieuh aing uyah kidul
     ulah asa jadi jalma pangpunjulna
     jangan merasa jadi orang yang paling unggul, jangan menyombongkan diri

671. ulah incah balilahan
     ulah ninggakkeun tapi kudu tetep satia

672. ulah kabawa ku sakaba-kaba
     ulah kabawa ku nu teu puguh, maksudna kabawa jurig, dedemit.

673. ulah kumeok samemeh dipacok
     ulah waka ngomong teu sanggup atawa teu bisa samemeh dicobaan.

674. ulah muragkeun duwegan ti luhur
     masing nyaah kana rejeki meunang hese cape ladang kesang, pacuan arek dimonyah monyah.

675. ulah nyeungceurikan upih ragrag
     ulah popoyok ka jalma nu geus kolot sabab urang ge bakal ngalaman.

676. ulah pangkat memeh jeneng
     ulah adigung adiguna hayang nyaruaan ka nu geus jeneng.

677. ulah tiis tiis jahe
     kudu iatna, kudu cingceng, lincah
     jangan terlena, harus hati-hati.

678. ulah unggut kalinduan ulah gedag kaanginan
     ulah sieun kudu gede kawani, ulah kagoda, ulah kaganggu atawa kabengbat ku rupa-rupa, lamun urang keur nyanghareupan hiji maksud anu hade.

679. umur gagaduhan, banda sasampiran
     umur jeung harta banda hakekatna milik Alloh SWT.

680. uncal tara ridueun ku tanduk
     elmu pangaweruh mah moal hese mamawana
     orang tidak akan merasa berat membawa ilmu pengatahuan yang dimiliki

681. ungguh balewatangan
     dibawa ka pangadilan
     kena perkara

682. uyah mah tara tees ka luhur
     sipat jeung sikep anak sok ngala ka indung bapana
     sifat anak tidak akan jauh berbeda dengan orang tuanya

683. waspada permana tingal
     bisa nyaho kana naon naon anu bakal kajadian.

684. watang sinambungan
     nu boga perkara batur, nu diajak cekcokna urang
     yang punya masalah oran lain, yang diajak bertengkarnya kita

685. wawuh munding
     wawuh ngan saliwat

686. wiwirang di kolong catang nya gede nya panjang
     kajadian anu matak pikaeraeun, wiwirang nu pohara gedena.

Download

Silahkan, Anda dapat mengunduh daftar paribasa di atas dalam format .TXT.

Download Daftar Paribasa Sunda